Skutefolket: På fjorden

Viser innlegg med etiketten På fjorden. Vis alle innlegg

torsdag 16. mars 2023

DET SKJER i 2023 (klikk her for å opne)

21. feb: Mørketidssamling (Grupo)

28. feb: Vedlikehald av seglet (Bedehuset)

21. mars: ÅRSMØTE og Mørketidssamling (Grupo)

April/Mai: Vårpuss (Kvamsholmen)

06.mai: Mål om SJØSETJING

04.juni: Fjordadag

29. juli: Fiskefestival

19. august: Brudlaup

mandag 30. april 2018

Sjøsetjing 2018

I år vart Brørvikskuto sjøsett laurdag 28. april. Det gjekk som vanleg skyss frå Stamnes kai og ut på Kvamsholmen. På førehand hadde ihuga dugnadsarbeidarar reingjort og smurd skuto med bunnsmurning og Kystolje. Sidan vart det ordna til nye fester i sjøen bak skuto. I tillegg vart blokka festa, og rullen montert på styrbord side.

Skuto ligg no på Hedlo klar til ein ny sesong. Skutefolket inviterer alle som vil ombord når anledninga byr seg!

søndag 8. oktober 2017

Brørvikskuto på Lyngheisenteret 2017

11.september. På veg til Lygra, Henning og Andreas segla frå Sandviken og heile vegen til Bryggja på Feste. Nordover frå Byfjorden fossa det avgårde. Vidare oppigjennom straumane vart det litt rolegare. Ola og Trygve følgde oss også i år med Veafjord som "supplybåt"; det er heilt naudsynt for å gjennomføra eit slikt opplegg på ein sikker og trygg måte.

12-14. september. Segling med skuleklassar (3+3+2). Det var fine dagar med greie elevar som segla, knytte knutar og rodde. Alle fekk god naturalkost på Lyngheisenteret etter "arbeidsdagen" og seinare vart det sosialt samvere med prat og trekkspel. Torsdag ettermiddag drog vi heimatt med skuto og bar på land alt utstyret på Kvamsholmen.

Skutefolket håpar borna fekk gode opplevingar og fine minner desse dagane. Og me takkar Kjell Magnus Økland for dei flotte bileta frå årets oppdrag på Lyngheisenteret!

Foto: Kystsogevekene/Kjell Magnus Økland

Foto: Kystsogevekene/Kjell Magnus Økland

Skuto er lasta med... bymann og stril

Her fylgjer eit lite samandrag av skuta sine aktivitetar medan den var på bytur hausten 2017:

6. september: Segltur på byfjorden. Henning og Andreas var ute og segla og rodde med Sandviken Kystlag.

7. september: Segltur på byfjorden. Var utpå med Fagskulen og somaliske vener av Liv. Fin seglevind og årane vart prøvd til slutt.

9-10. september: Sandviksdagene 2017. Skutekonene Helene og Oddny steikte lappar, medan Torill, Anita og Astri selde lappane, kaffi og bøker til inntekt for den nye påhengsmotoren. Ben knytte matter, medan Ove Gunnar, Trygve og skuteskippar Andreas spela stemningsmusikk på trekkspel. Ben var sjølvsagt med på rytmeinstrument! Helga vart avslutta med pizza saman med dei andre bidragsytarane under Sandviksdagene. God stemning i møtet mellom bymann og stril!