DET SKJER i 2023 (klikk her for å opne)

21. feb: Mørketidssamling (Grupo)

28. feb: Vedlikehald av seglet (Bedehuset)

21. mars: ÅRSMØTE og Mørketidssamling (Grupo)

April/Mai: Vårpuss (Kvamsholmen)

06.mai: Mål om SJØSETJING

04.juni: Fjordadag

29. juli: Fiskefestival

19. august: Brudlaup

Om reparasjonen av Brørvikskuto

[Skrivet er forfatta av Lars Olav Eilifsen, 14.mars 2023]


Det som er skifta:

- eit band og fem opplengjer.

- to lengder av Remo og Fastabordet, fyrste og andre bordet, styrbord midtskips.

- to kortare lengder av 4. og 5. bordet på styrbord baug.

- vel 5 m esing midtskips styrbord


Som emne til opplengjer og band nytta me krokvaksen furu. Det var mykje tennar, reaksjonsved. Dette er sprø og svak ved. Denne er i yttersvingen, me nytta innersvingen nærast mogeleg yta, då denne er sterkast. Det kom med noko vannkant, det er både sterkt og stilrett.


Borda som er sette i er av god kvalitet, teken nær midt i fyrstestokken. Dei har retta inn, like eins som Hans Brørvik gjorde det. Det er høvla sifar, som si brukte me bomullstråd bløytt i tjøre. Sua er og tjøresmurd. Borda er heller beine så me sette dei turre i. Borda på styrbord baug vart stima og førehandssvøygde før tilpassning. Alle skaringar var omlag 4".


For å gjere esinga mjuk nok til isetjing, senka me ho i fjorden på vel 20 famnar. Der låg ho i to døger før me drog ho opp, svøygde ho og sette ho i press. Esinga var framleis heller stiv. Etter to døger slik, vart esinga montert. Isetjinga medførte noko treing, det gjekk greit då ho no var mjukna mykje. Esinga er av god ved, al, geite og litt vannkant. For å få al mot skutesida er retta ut.


Trenaglar av furu med åretta og jarnsaum med ro er nytta som opphaveleg.

Under skuto har vore nokre sprikker i eit bord i fleire år. Desse har vore plagsame ved sjøsetjing. Sprikkene vart frest ut gjennomgåande med 16 mm fres, og limt i list med epoxy.

Ved styrbord keipe er og limt i eit stykke på Remo, samt laga ny støtteklosse til keipen.

Skutedugnad 27.april 2019

Rapport frå dugnad på Kvamsholmen, laurdag 27. april 2019:

Fem effektive karar møtte, og  gjorde skuto klar for utsetjing.
Dette vart gjort:To karar bunnsmurde skuto utanbords, medan tre karar la ned dørken, monterte løftinga, senka ned masta og beisa den, beisa vengtak og tofter, tok ned årane og råa og beisa desse.

Den yngste fekk læra å setja inn NYGLA på rett måte. Det vart også vist korleis ein senkar ned PUTANE og smurt bakom dei. MEN.... Ein av bunnsmørjarane oppdaga ein laus trenagle under vannlinja, den var heilt laus og kunne berre plukkast ut. Den var knekt mellom hud og spant, hadde tørka opp og var heilt laus. Denne må lagast ny, skuto kan ikkje sjøsetjast før dette er utbetra! Bortsett frå dette med naglen hadde me ein fantastisk fin dag på Holmen, og dei eldste er imponerte over dei yngste sitt gode humør,  arbeidvilje- og evne!

Skutedugnad 06.april 2019

Fyrste laurdagen i april vart fylgjande arbeid utført av våryre skutefolk på Kvamsholmen:

Me skrapa og støvsugde skuto inni (over dørken), og smurde med denne tjøreblandinga:

• 3 liter milebrent tjøre (Espegaard)
• 1,5 liter kokt linolje m/soppdrepar
• 0,5 liter terpentin

Dette vart tilsaman 5 liter. Smørja vart varma litt opp så den vart lett å smørja.

Det vart også kopla til vatn frå Kvamsvika, og litt snekkararbeid over barkekaret vart ferdiggjort.

Neste dugnad vert torsdag 25. april, kl 11.00. Då håpar me det vert litt fleire som møter opp!

Sjøsetjing 2018

I år vart Brørvikskuto sjøsett laurdag 28. april. Det gjekk som vanleg skyss frå Stamnes kai og ut på Kvamsholmen. På førehand hadde ihuga dugnadsarbeidarar reingjort og smurd skuto med bunnsmurning og Kystolje. Sidan vart det ordna til nye fester i sjøen bak skuto. I tillegg vart blokka festa, og rullen montert på styrbord side.

Skuto ligg no på Hedlo klar til ein ny sesong. Skutefolket inviterer alle som vil ombord når anledninga byr seg!

Dugnadsrapport 12. april 2018

"I dag var me 6 pers. på dugnad på Kvamsholmen,  me starta kl 11.00 og reiste heim kl 16.00. Sol, vind og hyggelege folk!

Gjort i dag:
Skuto vart tjørebreidd utvendig, ned til bunnsmurningslinja.
Skuto vart støvsugd nøye innvendig, og tjørebreidd innvendig ned til dørken.
(Under dørken vart det smurt med tjøre i fjor, og det ser så bra ut at det trengs ikkje noko meir i år.)

Det som står att er:
Bunnsmurning.
Leggja ned dørken og smørja med Kystolje.
Smørja med Beis der det trengs, på tofter og vengtak, evt master, årer og rå."

TAKK! frå styret

Attpå enno eit år med mykje aktivitetar både i, kring og med skuto, vil styret takka alle dei trufaste og ihuga dugnadsfolka som har gjort at Brørvikskuto har hatt vind i segla også i år. Mange av dykk har fleire roller, og brukar mykje tid på skuto.

Tjørebreiarar, seglarar, riggarar, lappesteikjarar og trekkspelarar, skuteopptrekkjarar, ja, endåtil papirarbeidarar i "administrasjonen" og eit par tusenkunstnarar har me med oss. Berre for å nemna nokre.  

Tusen takk for innsatsen!

Helsing frå styret i Skutefolket

Brørvikskuto vert "sveiva" i hus

Her er eit referat frå 07. oktober 2017 då skuto vart teken på land. Dette var siste skuteaktivitet denne  hausten. 

Vi var 9 stk som tok skuta på land, tok ut alt som var i skuta slik at skroget får lufta seg. Vi vaska ho både utvendig og inni. Dei som var med: Ove Gunnar, Kjell Arnstein, Per, Norvald, Lars Olav, Stein, Henning, Anita, Andreas.

Etter skuta var kome i hus var det etter god, gamal dugnadstradisjon rjomegraut og dravle på segl-loftet. Skutefolk veit å kosa seg!

På veg til naustet ein fin haustdag. Per slepar med motorbåten sin og skysser deltakarane

Kjell slepar skuta inn på opptrekket.

Sløa vert gjort klar. Skubba ut i rett posisjon og smurt med matolje slik at det ikkje skal væra alfor tungt å sveiva.

Ove Gunnar set på rullen og finjusterer skuta på sløa.

Så er det berre å sveiva. Dei fleste tok eit tak.

Rullen (patenten) Ove Gunnar har laga til slik at skuta glir langs båtopptrekket. Dette lettar arbeidet mykje mot før då mange mann måtte halda balanse i ho og flytta på bukkar for å sikra på begge stykke for stykke oppover.

Den nye kryssholten og boltar som Ove Gunnar laga og monterte nokre timar etter at han fekk vita at den gamle var rotna. Vi testa den på Lygra og den er mykje betre en den forrige som vi fekk laga av spesialistar i Norheimsund. (Det er her vi festar tauet som vi heiser opp råa og seglet med).

Oppfinnaren føl med at alt virkar som det skal.

Vi er glade for at vi fekk spylt og skrubba med det same ho kom på land. Då er det greiare å begynna på at til våren.

Og der står ho klar for skraping og tjørebreiing og mykje anna... om ei stund.

Frå samling på skuteloftet. Når "gulrota" etter endt arbeidsøkt er dravle med kringle og spekjeskjøt motiverer det til skikkeleg innsats.

Alle bileta er tekne av Anita MK Harestad. 

I vinteropplag

Etter ein innhaldsrik sesong på sjøen skal Brørvikskuto no takast på land.

Den 16.september vart mastra teken ned og påhengsen montert av slik at skuta vart klar for slipping.

Laurdag 7. oktober vert skuto teken opp i naustet. I år har Ove Gunnar laga ein rull som skal gjera det mykje enklare å styra skuta oppover slippen. Vi er tilstrekkeleg med mannskap for å greia det, men kjekt vist fleire vil vera med. Båt går frå Stamnes kl 10.30. Det vert fyrst klargjering og samling på skuteloftet, så startar opptaking av skuta rundt kl 12.30 når det er på floa.

Støvtørk og tjørebreiing

Vårpussen på skuto er godt i gong, og her er ei lita skildring frå dugnaden 22.april:

Me er i full gang med å klargjera skuto til "Tour de fjords". I dag var me 11 vaksne og 2 barn på holmen i seks timar! Me har skrapa, kosta og støvsugd skuto innvendig. Etterpå smurde me tjøra på. Den må varmast for å trekkja inn i veden når me smør den på. Me har rydda i hyller i naustet og nokon fortsette å byggja kai.

Ynskjer du vera med på å få Brørvikskuto på sjøen i år, finn du datoar for komande dugnadar her. 

Brørvikskuto på tokt i 2017

Dette håpar me å få til i 2017:

Oppdrag 1. Tour des Fjords: www.tourdesfjords.no 

Torsdag 25. mai -17 (Kristi Himmelfartsdag)

Mannskap: Ove Gunnar, Kjell Arnstein, Andreas, Stein, Ola, Helene, Sigmund, Anne-Mari, Ben. Helene har ansvar. Vil fleire vera med, så meld dykk til henne.

Oppdrag 2. Fiskefestival/Kulturdagar, Stamnes

Laurdag 30. juli

Brus og kjeks til borna?  Knop og knutar etter fiskinga? 

Det er ikkje sett opp mannskap.  Kjell Arnstein har ansvar, meld dykk til han

Oppdrag 3. 12-åringar, Kyrkja i Vaksdal

Laurdag 19. august

Det er ikkje sett opp mannskap.  Oddny har ansvar, meld dykk til henne.

Oppdrag 4. Sandviksdagane

9-10. sept. 

Det er ikkje sett opp mannskap. Andreas har ansvar, meld dykk til han.

Oppdrag 5. Lyngheisenteret Lygra.

11. – 14. sept. 2017: 

Skuto på plass mandag 11. sept: Ola, Trygve, Andreas m.fl. 

Segling med skuleborn 12. – 13. og 14. sept. Mannskap kjem på plass seinare.  Ola har ansvar, meld dykk til han.

Dugnadar våren 2017

Allereie den 25. mai håpar me på å få visa fram skuto når sykkelrittet Tour des Fjords vitjar bygda. Før den tid lyt skuto klargjerast og setjast på sjø. Nedanfor ser du kva og kortid  arbeidet skal gjerast; lista vert oppdatert etter kvart som datoane er klare. Som vanleg vert det båtskyss til Kvamsholmen frå kaien på Hedlo.

Skrapa, kosta, støvsuga. Smørja alt innabords.
Dato: LAURDAG 22.april
Båt frå Stamnes kl 11:00

Smurning utvendig m.m
Dato: TORSDAG 27.april
Båt frå Stamnes kl 15:00

Smurning utvendig m.m
Dato: LAURDAG 06.mai
Båt frå Stamnes kl 11:00

Sjøsetjing
I løpet av veke 19 (evnt. laurdag 13.mai)

Rigging mast og segl


VEL MØTT TIL KJEKKE DUGNADSDAGAR!

Brørvikskuto og Norvald Bukkstein på NRK

2.juledag 2016 var me mange som benka oss framom fjernsynsapparatet medan me kryssa fingrane for at straumen ikkje skulle ryka "midt i"... I femte episoden av NRK-programmet "Der ingen skulle tru at nokon kunne bu" var Norvald Bukkestein og hans mangfoldige kunnskapar temaet, men også Brørvikskuto og Skutefolket vart synt fram i beste sendetid over det ganske land.

Klikk på lenka under, så kjem du direkte til episoden med Norvald'n og skuto:

Episode 5 - Der ingen skulle tru at nokon kunne bu

Brørvikskuto er lasta med... VED

Som ein del av innspelinga av TV-programmet "Der ingen skulle tru at nokon kunne bu" i Veafjorden, vart Brørvikskuto i starten av juni lasta opp med naustturka ved frå Straume. Skuto rommar omlag 10 mål ved, og svetten rann stadig striare på sjauarane i solsteika. Då veden var vel ombord, sigla skuto til Bergen for å delta på Hansadagane 2016.

Kortid ei fullasta Brørvikskute vert å sjå på TV-skjermen er enno ikkje klart, men informasjon kjem når tida nærmar seg. Medan du ventar kan du nyta synet av ivrige arbeidskarar og ei skute som ligg stadig sidare i sjøen:

 

 

Med bylgjer under kjølen

Bileta nedanfor er frå 07.mai 2016 då Brørvikskuto vart sjøsett på Kvamsholmen. Skuto vart seinare same dagen ført inn til Stamnes, og mastra vart rigga ved Handelslagskaien.

Legg særleg merke til bilete i midten der skuto nett har kjend bylgjene under kjølen, og den flotte vimpelen heng over ripa og vinkar i vinden.

Sjøsetjing 2016

Brørviksuto kjem på sjøen laurdag 07.mai på flo sjø kring kl 12:00.

-

Det går skyssbåt frå Stamnes kai; møt opp kl 10:45.

Gjev gjerne beskjed til Andreas om du vil vera med:
Ring, eller send sms til mob 917 51 668.

Målet for dagen er at skuto også skal riggast med mast denne dagen. Dess fleire som er med, dess lettare går arbeidet. Og praten! Det meldast om fint vårver - så hiv deg med om du kan!!!

Skuto snart på sjøen

Dyktige og dugnadsvillige skutefolk var på Kvamsholmen og vaska skuto laurdag, 4. april: Eldfrid, Kjell A., Per, Trygve og Ola.

Førre laurdag, 16. april, var oppgåva å smørja skuto innvendig, medan ho vart smurt innvendig måndagen.

Sjøsetjinga er sett til laurdag 07.mai; tidspunktet er avhengig av flo sjø.

Sjå elles HER for å finna ut meir om dugnadar, og kva Brørvikskuto skal i ferd med det komande året.

Brørvikskuto på tokt i 2016

Brørvikskuto og dugnadsgjengen Skutefolket har ei lang liste med (nokre sikre og andre mindre sikre) tokt i året som kjem. Allereie er det mange dugande folk som har sett seg opp på dei ulike oppdraga, men

HAR DU LYST Å VERA MED på noko, er det berre å melda frå!

Ta kontakt med ein av dei som allereie er sett opp,

eller leiar i Skutefolket, Helene Kvamme.

Oppdrag 1. NRK-filming: «Der ingen skulle tru…»
Fredag 3. juni: Klargjera skuto for vedalasting og byferd: Trygve, Ola, Andreas, Eldfrid, Oddny
Laurdag 4. juni – onsdag 8. juni: Vedalasting, segling til Bergen, lossing, reingjering skuto:

Desse har sagt dei kan vera med: Ove Gunnar, Norvald Bukkestein, Trygve, Andreas, Helene, Øystein, Kjell Leiren, Anita Harestad, Kjell Arnstein, Per, Sveinung, Oddvar Bukkestein, (Eldfrid, Oddny og Anny bidreg med mat lørdag)

Desse skal spørjast: Henning Thomsen (Sveinung spør), Leif Tøsse (Andreas spør), Ingvard (Oddny spør), Lars Olav (Oddny spør), Eirik (Ola spør)

Kjem du på nokon du kan spørja, eller koma sjølv, så treng me mykje folk. Alle kan ikkje vera med heile tida.

Oppdrag 2. «Hansadagane» i Bergen
Torsdag 9. juni – laurdag 11. juni.: Helene, Liv, Ben, Andreas, Ove Gunnar, Torill,
Skuto heimatt: ??

Oppdrag 3. Mellesdal?
Laurdag 23 juli: Ben.,

Oppdrag 4. Fiskefestival/Kulturdagar, Stamnes
Laurdag 30. juli: Kjell Arnstein, Kjell Leiren, Andreas, Helene, Ben., Oddny. 

Trygve lagar ny «gatebukk». Brus og kjeks til borna? Knop og knutar?

Oppdrag 5. «Sandviksdagane»
2.-4. sept.: Segla til Bergen: Andreas, Per, Ove Gunnar. 

(Skuto ligg i Sandviken til me skal til Lygra.)

Oppdrag 6. Lyngheisenteret Lygra.
12. – 15. sept.: Skuto på plass mandag 12. sept: Ola, Trygve, Andreas m.fl. 

Øvrig mannskap kjem på plass seinare.

Oppdrag 7.  Råseglseminar Masfjorden?

16.-18. sept.:

Oppdrag 8. Segltur (kveldstur) med konfirmantane?

Sept/Okt/Før skuto er kome på land...

Dugnadar våren 2016

På Mørketidssamlinga i februar vart vårens gjeremål knytt til klargjering og sjøsetjing av Brørvikskuto planlagd. Lista nedanfor viser kva som skal gjerast, og kven som har sagt at dei kan vera med. Som vanleg vert det båtskyss til Kvamsholmen frå kaien på Hedlo.

Vatn på Holmen
Dato: Før 4. april
Ansvar: Ola og Trygve

Vaska skuto / klar for smurning
Dato: Mandag 4. april kl 11:00
(Sjå over kva vi treng av tjøre/smurning/beis)

Ansvar: Ola, Trygve, Per, Ove Gunnar

Smurning innvendig
Dato: Laurdag 16. april kl 11:00
Ansvar: Sveinung m/fam., Henning ?, Helene m/fam., Ove Gunnar, Per

Smurning utvendig + årar, master, rå, veng m.m.
Dato: Mandag 18. april kl 11:00
Ansvar: Trygve, Oddny, Per, Andreas, Kjell Leiren

Sjøsetjing
Dato: Laurdag 7. mai kl ?
Ansvar: Andreas, Ola, Kjell Arnstein, Trygve, Kjell Leiren m.fl.

Rigging mast og segl
Dato: Siste frist laurdag 21. mai
Ansvar: Ove Gunnar, Kjell Arnstein

Om du har lyst til å vera med, ta gjerne kontakt med nokon som skal dit! 

Me har ALLTID plass til fleire nevar!

 

Brørvikskuto er komen i naustet

Sjølv om hausten so langt har vore mild og fin, nærmar kjøligare tider seg, og skuto er no komen i hus for vinteren.

Skutefolk stilte på dugnad i strålande haustver ei helg i midten av oktober for å få Brørvikskuto inn i naustet på Kvamsholmen. Her er ei helsing frå den nye leiaren i Stiftinga Brørvikskuto, Anne-Mari Hannisdal Haga. Ho arbeider til dagleg som rådgjevar ved Osterøy Museum, og var denne helga med på dugnadsarbeidet:

"Her er nokre bilete frå ein fantastisk fin dag i Veafjorden laurdag 17. oktober. Me var 9 personar som møtte fram for å gjera skuto klar for vinteren, og me hadde kjekke timar saman, med arbeid, kaffipause og drøs. Skuto vart tømt for innhald og vart teken inn i naustet på Kvamsholmen. Ein flott dugnadsgjeng – eit imponerande godt smurt apparat!"