DET SKJER i 2023 (klikk her for å opne)

21. feb: Mørketidssamling (Grupo)

28. feb: Vedlikehald av seglet (Bedehuset)

21. mars: ÅRSMØTE og Mørketidssamling (Grupo)

April/Mai: Vårpuss (Kvamsholmen)

06.mai: Mål om SJØSETJING

04.juni: Fjordadag

29. juli: Fiskefestival

19. august: Brudlaup

Skuto er lasta med... bymann og stril

Her fylgjer eit lite samandrag av skuta sine aktivitetar medan den var på bytur hausten 2017:

6. september: Segltur på byfjorden. Henning og Andreas var ute og segla og rodde med Sandviken Kystlag.

7. september: Segltur på byfjorden. Var utpå med Fagskulen og somaliske vener av Liv. Fin seglevind og årane vart prøvd til slutt.

 

9-10. september: Sandviksdagene 2017. Skutekonene Helene og Oddny steikte lappar, medan Torill, Anita og Astri selde lappane, kaffi og bøker til inntekt for den nye påhengsmotoren. Ben knytte matter, medan Ove Gunnar, Trygve og skuteskippar Andreas spela stemningsmusikk på trekkspel. Ben var sjølvsagt med på rytmeinstrument! Helga vart avslutta med pizza saman med dei andre bidragsytarane under Sandviksdagene. God stemning i møtet mellom bymann og stril!

  

Brørvikskuto på Sandviksdagene 2017

Laurdag 9.-sundag 10. september vert Brørvikskuto å finna til kai ved Bergen Kystkultursenter i Sandviken (ved sida av Neumann Bygg) under dei årlege Sandviksdagene. Diverse maritime aktivitetar for store og små går føre seg kl 12-16 båe dagar. Mellom anna finn du Elias-båten og Redningsselskapet her.

Sandviksdagene omfattar aktivitetar kring Kystkultursenteret og på det museet i Gamle Bergen får du oppleve hvordan livet i Bergen kunne fortone seg på 1800 og tidleg 1900-tallet. Sandviksdagene arrangerast av lokalt kulturliv i samarbeid med Bymuseet, Sandviksboder Kystkultursenter og Museum Vest Norges Fiskerimuseum, med støtte fra Bergenhus og Årstad kulturkontor.



Er du heldig vert det også råd å ta ein liten tur utpå fjorden på kveldstid medan skuto er i byen! For å klare dette må veret vera nokonlunde bra, og det må vera minst tre mannskap ombord. Andreas Stamnes er segleansvarleg.

Kulturdagar og fiskefestival på Stamnes 2017

Var du på Stamnes den 29.juli, kunne du også i år prøve fiskelukka frå Brørvikskuto. Den siste helga i juli er fast festivalhelg i bygda, og laurdagen var det som vanleg fiskekonkurranse på fjorden.

Skuto la frå kai med vel ti fiskeglade passasjerar ombord, og dei fekk or sjøen omlag tolv makrell til saman. Ein av dei yngste passasjerane drog opp minst fem åleine! Frå Skutefolket var Ola, Helene, Per og Kjell A. var med som mannskap. Ola fann fram trekkspelet, og det var god stemning ombord med musikk, prating og ikkje minst å fiska snøra til kvarandre!

Har du bilete frå Brørvikskuto denne dagen, send gjerne eit par stykker til susanne.leiren@gmail.com. NB! Om enkeltpersonar er tydeleg motiv i bilete, må den/dei gje løyve til publisering av bilete på førehand.

Brørvikskuto på tokt i 2017

Dette håpar me å få til i 2017:

Oppdrag 1. Tour des Fjords: www.tourdesfjords.no 

Torsdag 25. mai -17 (Kristi Himmelfartsdag)

Mannskap: Ove Gunnar, Kjell Arnstein, Andreas, Stein, Ola, Helene, Sigmund, Anne-Mari, Ben. Helene har ansvar. Vil fleire vera med, så meld dykk til henne.

Oppdrag 2. Fiskefestival/Kulturdagar, Stamnes

Laurdag 30. juli

Brus og kjeks til borna?  Knop og knutar etter fiskinga? 

Det er ikkje sett opp mannskap.  Kjell Arnstein har ansvar, meld dykk til han

Oppdrag 3. 12-åringar, Kyrkja i Vaksdal

Laurdag 19. august

Det er ikkje sett opp mannskap.  Oddny har ansvar, meld dykk til henne.

Oppdrag 4. Sandviksdagane

9-10. sept. 

Det er ikkje sett opp mannskap. Andreas har ansvar, meld dykk til han.

Oppdrag 5. Lyngheisenteret Lygra.

11. – 14. sept. 2017: 

Skuto på plass mandag 11. sept: Ola, Trygve, Andreas m.fl. 

Segling med skuleborn 12. – 13. og 14. sept. Mannskap kjem på plass seinare.  Ola har ansvar, meld dykk til han.

Sandviksdagene 2016

Komande laurdag og sundag går Sandviksdagene 2016 av stabelen. Grunna for lite mannskap kunne diverre ikkje Brørvikskuto vera med i år, men her er mange kjekke aktivitetar, stort sett av maritim art:

• Turar med vikingskip, snekker og «Erkna»
• Utlån av robåtar
• Kajakkpadling for born 
• Open smie
• Lær taubruk og repslaging 
• "Gullgraving" for barn
• Steaming av båtbord
• Sjå levande fisk i fiskekummen
• Demonstrasjon av gamle båtmotorar
• Maritim filmvisning 
• Gratis adgang. Alle aktivitetar gratis. 

I denne lenka finn du meir informasjon om aktivitetane ved Kystkultursenteret.

Sandviksdagene inneheld også aktivitetar andre stader, mellom anna i Gamle Bergen der det er levande museum med tidsriktige familiar og leikepostar for born. Informasjon finn du i denne lenka.

Brørvikskuto i Vågen under Hansadagane 2016

9-11. juni vart Hansadagene 2016 tilskipa i Bergen. Både på land og sjø yra det av folk og kulturelle opplevingar i det nydelege sommarveret.

Brøvikskuto låg i Dræggen lasta med ved og smilande skutefolk som selde nysteikte mjølkekaker, samt løvetannsirup og granskotsirup frå indre fjordstrok. Den nye landgangen vart flittig brukt av nyfikne byfolk. Spelemann Trygve drog fram belgen, og det vart som seg hør og bør for bønder i byd'n ein og annan svingom på skutedekket.

 

 

 

Brørvikskuto på tokt i 2016

Brørvikskuto og dugnadsgjengen Skutefolket har ei lang liste med (nokre sikre og andre mindre sikre) tokt i året som kjem. Allereie er det mange dugande folk som har sett seg opp på dei ulike oppdraga, men

HAR DU LYST Å VERA MED på noko, er det berre å melda frå!

Ta kontakt med ein av dei som allereie er sett opp,

eller leiar i Skutefolket, Helene Kvamme.

Oppdrag 1. NRK-filming: «Der ingen skulle tru…»
Fredag 3. juni: Klargjera skuto for vedalasting og byferd: Trygve, Ola, Andreas, Eldfrid, Oddny
Laurdag 4. juni – onsdag 8. juni: Vedalasting, segling til Bergen, lossing, reingjering skuto:

Desse har sagt dei kan vera med: Ove Gunnar, Norvald Bukkestein, Trygve, Andreas, Helene, Øystein, Kjell Leiren, Anita Harestad, Kjell Arnstein, Per, Sveinung, Oddvar Bukkestein, (Eldfrid, Oddny og Anny bidreg med mat lørdag)

Desse skal spørjast: Henning Thomsen (Sveinung spør), Leif Tøsse (Andreas spør), Ingvard (Oddny spør), Lars Olav (Oddny spør), Eirik (Ola spør)

Kjem du på nokon du kan spørja, eller koma sjølv, så treng me mykje folk. Alle kan ikkje vera med heile tida.

Oppdrag 2. «Hansadagane» i Bergen
Torsdag 9. juni – laurdag 11. juni.: Helene, Liv, Ben, Andreas, Ove Gunnar, Torill,
Skuto heimatt: ??

Oppdrag 3. Mellesdal?
Laurdag 23 juli: Ben.,

Oppdrag 4. Fiskefestival/Kulturdagar, Stamnes
Laurdag 30. juli: Kjell Arnstein, Kjell Leiren, Andreas, Helene, Ben., Oddny. 

Trygve lagar ny «gatebukk». Brus og kjeks til borna? Knop og knutar?

Oppdrag 5. «Sandviksdagane»
2.-4. sept.: Segla til Bergen: Andreas, Per, Ove Gunnar. 

(Skuto ligg i Sandviken til me skal til Lygra.)

Oppdrag 6. Lyngheisenteret Lygra.
12. – 15. sept.: Skuto på plass mandag 12. sept: Ola, Trygve, Andreas m.fl. 

Øvrig mannskap kjem på plass seinare.

Oppdrag 7.  Råseglseminar Masfjorden?

16.-18. sept.:

Oppdrag 8. Segltur (kveldstur) med konfirmantane?

Sept/Okt/Før skuto er kome på land...

Sandviksdager 2015

Komande veke og helg kan du igjen koma deg utpå Byfjorden med Brørviksskuto. Etter planen vert skuto sigla til Sandviken i midten av denne veka, og går alt etter planen, inviterer Andreas Stamnes til seglturar onsdag, torsdag og fredag. Avgang frå brygga ved Kystkultursenteret kl 18:00 (med mindre anna tid vert avtala).


Laurdag og sundag komande helg (5-6. september) vert Brørviksskuto igjen å finna på Sandviksdagane i regi av Kystkultursenteret. Skutefolket sel nysteikte lappar og kaffi, og byr på stemningsfull musisering frå toftene. Etter at programmet er ferdig, er det råd å avtala segltur også desse dagane. Avgang kring kl 16/16.30 (etter avtale med Andreas).

Kystkultursenteret har elles gjeve denne informasjonen om helgas tilstelling:

Her er noko for alle aldrar, så ta turen til byd'n og opplev kystkultur på sitt beste!

Kulturdagar og fiskefestival i Stamnes 2015

Frå dei fyrste aktivetane var i gong fredagen, til fiskesleppet vart avslutta sundag, var vergudane svært så generøse denne helga. Sola skein mykje av tida, og skyene sleppte ikkje dropane or seg før alle aktivitetar var vel gjennomført sundag ettermiddag.

Kulturdagar og fiskefestival i Stamnes vert arrangert av fleire lokale lag, og også i år var Brørvikskuto utpå fjorden for dei som ikkje hadde eigen båt å fiska frå. Bileta nedanfor syner skuto på veg innatt til kai etter endt fisketokt.

Våryr skute i naustet og maritime opplevingar i Sandviken

Etter vårens dugnadar ligg Brørvikskuto framleis i naustet sitt, klar for sjøsetjing.

Fleire skutefolksmedlemmar har gjort god innsats i naustet på Kvamsholmen denne våren, men diverre har ikkje så mange som me hadde håpa møtt opp på dugnadane. Somme gonger har den dugnadsansvarlege vore åleine, andre gonger har det kome to-tre andre. Oppmodinga er difor; har du tid, så kom på sjøsetjing! (Informasjon om dette kjem på epost til alle skutefolksmedlemmar.) Skuto treng godt stell av mange hender om ho skal få smaka bølgjer under buken.

Då skuto ikkje er sjøsett enno gjer det at me diverre ikkje kan takka ja til invitasjonen og delta på opninga av  Norges Fiskerimuseum den 01.juni 2015.

Me oppmodar likevel å ta turen til Sandviken denne måndagen. Musèet ligg i Sandviksboder Kystkultursenter (like ved Neumann Bygg). Her er interessante ustillingar som Verden Under Vann og Det Eventyrlige Fisket. I tillegg skildrar musèet seg sjølv slik:

Her finnes noen av de best bevarte sjøbodene i Bergen. Tørrfiskbodene er et unikt kulturminne fra den gang Bergen var sentrum for en verdensomspennende tørrfiskeksport. I havnen hos Sandviksboder Kystkultursenter finner du også et mangfold av antikvariske båter.

I regi av Sandviksboder Kystkultursenter er det også eit arrangement laurdag den 30.mai 2015. Då skipar dei til Maritim lørdag der ein mellom anna kan oppleve:

• Båtturer på Byfjorden.
• Maritimt marked.
• Sprellende liv i fiskekummen.
• Vikingskip.
• Gullgraving for de minste.
• Kaféer.
• Åpen smie.
• Demonstrasjon av gamle båtmotorer.
• Filmvisning.
• Utlån av robåter.
• Kajakkpadling.

Foto: Mette Bakke

Skutefolket på Sandviksdagene 2014 - og segling på Byfjorden

Skutefolket var aktive deltakarar på Sandviksdagene 2014. Her er ein liten logg i tekst og bilete:

"Det heile starta med at Ben tromma opp til festivalopning. Vidare tala kulturbyråd Helge Stormoen, før Ben og Eirik underheldt med speling på sag og song. Sveinung song også under opninga - akkompagnert av Ben OG rytmane frå ein 40 hk RUBB ombord i "Selma"...

Elles var det mykje aktivitet både i og rundt skuta. Helene steikte lappar ombord, og måtte av og til beordre folk anten til styrbord eller babord i skuta slik at ikkje lappane rann av takka. 

Lappar med sylta og rjomme gjorde byfolk og stril både blide og mette, og mange kom attende og måtte nett har EIN til. Og det var gjerne dei som kjøpte to fyrste gongen!"

TIDLEGARE SAME VEKA var det råd å vera med utpå å segla. Her er nokre bilete frå flotte godvers-turar på Byfjorden: